ТУҺАЛАМЖА

юум. н. хамһалсалга, хамһабари, дэмжэлгэ, тэдхэмжэ, туһа (помощь, содействие): Һүүлдэнь Кузнецовой гэртэнь ерэхэдэнь, зангаа алдангүйгөөр, олоншье юумэ хэлэнгүй, туһаламжа эрихэдэнь, гансата арсажархёо бэлэй (А. Ангархаев); туһаламжа үзүүлхэ хамһалсаха, туһалха (оказывать помощь): Тэрээнэй даабарияа дүүргэхэ хэрэгтэнь али болохо туһаламжа үзүүлхые гуйбад (Б. Шойдоков); олон хүүгэдтэй эхэнүүдтэ туһаламжа үгэлгэ олон хүүгэдтэй эхэнүүдые элдэб янзаар тэдхэмжэ, дэмжэлгэ (оказание помощи многодетным матерям); бусаалтагүй туһаламжа һайн һанаанай дэмжэлгэ (бескорыстная помощь); тусхай мүнгэн туһаламжа дамжуулһан эрхэ мэдэлэй талаар гаргашын уялгануудые хангахын тула үгтэдэг бюджедүүд хоорондын мүнгэ дамжуулан үгэлгэ (субвенция); түргэн туһаламжа дуудалгаар богони саг соо ерэжэ, эмнэлгэ хэлгэ (скорая медицинская помощь): – Будажабшни үбдэшоо, һүни би мотоциклаараа Уулзар ошожо, түргэн туһаламжа дуудааб (Д.-Д. Дугаров); түргэн туһаламжын машина түргэн туһаламжын эмшэдые шэрэдэг машина (машина скорой медицинской помощи): Буряад уласта «ГАЗ» гэһэн автомобильна заводой түргэн туһаламжын найман машина болон хойто аймагуудта хэрэглэгдэхэ УАЗ түхэлэй машина дамжуулагдаха (Буряад Y нэнһөө).