ТУҺАЛАЛСАХА

үйлэ ү., хамтадх. залог 1) хэн нэгэнэй ямар нэгэн юумэ хэхыень хүнгэдхэжэ дэмжэлсэхэ, туһалхада хамһалсаха, туһаламжа үзүүлэлсэхэ, юумэ хэлсэхэ, хамтаржа хэхэ, суг хэхэ (вместе помогать, участвовать в помощи): Туһалхыешье туһалхаб, иимэ хэрэгтэ туһалалсангүй аргагүй (Ж. Тумунов); 2) бэе бэеынгээ ямар нэгэн юумэ хэхые хүнгэдхэжэ дэмжэлсэхэ, бэе бэедээ хамһалсаха (помогать друг другу, поддерживать друг друга): Тэрэ сагһаа буряад ород хоёр арадууд инаг һайхан сэдьхэлэй үүдэнһээ марталсашагүйгөөр бэе бэедээ туһалалсажа, эгүүридын мүнхэ этигэл найдабариие аша гушанартаа улам гүнзэгырүүлэн үлөөһэн байна (Х. Намсараев).