ТУХАЙЛХА

үйлэ ү. багсааха, багсаан мэдэхэ, таажа мэдэхэ, бараглаха, тааха, мэдэхэгүй юумые өөрын бодолоор бараглажа үнэндэ тааруулха (догадываться, предполагать): Үбгэжөөлэйнгөө уурлашоод байһые тухайлжа, мүн өөрынгөө тэнэг тэншүүе шамарлан, газар доро орошохо дурамни хүрэбэ (С. Цырендоржиев); тухайлжа тааха (гү, али таамаглаха) таажа мэдэхэ, бараглаха (догадываться, угадывать): Доржын мэдэхэ эрэшүүл, ойрынь хүршэнэр, бултадаа шахуу дүүмын главна тайшаа Юмдэлэг Ломбоцыреновэй хэһэн олон хэрэгүүдые тухайлан таамагладагшье һаа, бэеэ абанги байдаг (Ч. Цыдендамбаев); дүтэрхы тухайлха ехэнхииень зүбшүү багсааха (приблизительно догадываться); арга тухайлха ямар нэгэн арга боломжо таамаглаха, багсаамжалха (допускать какую-л. возможность).