ТУУЛМАГ

юум. н. 1) арһаар гү, али бүдөөр оёгдоһон багахан амһарта (небольшой мешок, мешочек): Үргэбшэ сооһоо арһан туулмаг гаргажа, алтаяа гоожуулба (С. Цырендоржиев); Нүгөөдүүлынь үбэрөө һуулижа, бүд туулмаг гаргаад, стол дээрэ наярса адхана (Ч. Цыдендамбаев); тугал туулмаг бүтүүгээр үбшэгдэһэн тугалай арһа элдэжэ нэгэ хажууень бүтүүлэн оёһон туулмаг (мешочек из цельной шкуры телёнка): Тиигээд тугал туулмаг сооһоо дарханай хоёр ута соолуур гаргажа, Сэсэгхэнэй дэгэл дээрэ табиба (Ч. Цыдендамбаев); 2) юумэ зөөхэдэ гү, али хадагалхада хэрэглэгдэдэг, полиэтиленээр гү, али саарһаар хэһэн амһарта (пакет): – Бишыхан целлофан туулмаг соо хээд ябадаг хүм, – гэжэ Георгий Николаевич харюусаба (Б. Мунгонов); Энэ бэлэг хубаалган хадаа буряад ёһын сагаалганай гурим дамжажа, саарһан туулмаг соо конфетэ, пряник, сушка гэхэ мэтын амтата эдеэнэй зүйлнүүд байдаг һэн (Ц. Шагжин); ◊ уһан (гү, али архиин) туулмаг ехэ архинша (пьяница): «Уһан туулмаг» алтай, иимэ хүниие Самбуу уряа гээшэ гү гэжэ һанаһаар байжа, гараа барилсан мэндэшэлэлдэбэб (Ж. Балданжабон); – Үнөөхи Бирид гэжэ архиин туулмаг ямар байдаг бэ? (Б. Мунгонов); мүнгэнэй туулмаг ехэ баян хүн, баян бардам хүн (богач, богатый человек): Тэндэ гансал мүнгэнэй туулмаг баяшуул баян бардам, дутаха дундадахые, зобохо тулихые мэдэнгүй байдаг юм аабза (Б. Мунгонов); шабааһанай туулмаг хараал. муухай, яндан хүн (паршивец, негодяй): – Үшөө ехээр аашалаа һааш, сундагар гэдэһыш сооро үдьхэлжэрхихэб, шабааһанай туулмаг! (Б. Мунгонов).