ТУУЛГАХА

үйлэ ү., идх. залог 1) үхэр малай хойноһоонь дахажа ябуулхые баадхаха, хөөлгэхэ (заставить гнать): Тиихэдэнь, моридыемнай эмээлтэйнь хүбүүдээр туулгажа эльгыт гэжэ гуйхадань, ноён даргань зүбшөөжэ, хүбүүд моридыень эмээлтэйнь бүлэг бүлэгөөр холбон хүтэлжэ, далда оробод (Б.-Б. Намсарайн); 2) хойноһоонь дахаһан хүнээр ябуулагдаха, залагдаха, хөөгдэхэ (быть гонимым, подгоняемым): Энэ адуун тугаарһаа хойшо намнуулжа, үлдүүлжэ, туулгажа, жэгшэшэһэн хэбэртэй, нэгэнэйнгээ даб гэһэн тээшэ гүйлдэшэхөөр бэлэн байна (Ц.-Ж. Жимбиев); Дагба тэрэ буруу үзэлтэй гэжэ нэрлүүлээд туулгажа ябаһан хоёрой хойноһоо хаража, бодолгото болон зогсоно (Ц. Шагжин); 3) үлеэгдэхэ (выдуваться, сдуваться): Уһанай нюруу дээрэһээ манан һабанан дэгдэһээр хүнгэхэн һэбшээндэ туулгана (М. Батоин).