ТУРААХА

үйлэ ү., идх. залог туранхай болгохо, мяха маряаень алдуулха, хооһоор байлгаха (истощать, доводить до истощения): Адуугаа тураагаат гэжэ зэмэдэ оруулхагүй юм гү гэжэ Шагдарай асуухада, «Турахагүй» гэжэ үбгэжөөл сухалтайгаар харюусаа һэн (Д.-Д. Дугаров); тураажа алаха эдеэлүүлэнгүйгөөр үхүүлхэ (довести до смерти от истощения): Тэндэ хүнүүдые амидыгаар галдадаг, тураажа аладаг, дээрэнь уһа адхажа, хүлдөөжэ аладаг, элдэб эсээр зобоодог байһан юм (Б. Мунгонов).