ТУЛГУУРИ

юум. н. 1) унахагүйн тула барилсаха, тулаха юумэн (опора, то, на что можно опереться): Мүн хүлнүүдыньшье хүмэглэһэн шулуун доогуур тулгуури оложо ядан һарбалзана (Д.-Д. Дугаров); тулгуури бэдэрхэ барилсаха юумэ бэдэрхэ (искать опору): Сибирцев, торон тогтонгүй, хүл гараараа тулгуури бэдэрэн һабардаһаар, саһан соо харахан тэмдэг болон зурышаба (Д.-Д. Дугаров); 2) юумэ тулаһан модон, тулааһан, тулга (подпорка, упор): …Тасарун үбгэжөөл модоор гасанхай тулгуурииень зайсуулаад, посхоодой үүдэ нээнэ (Д.-Д. Дугаров); 3) шэлж. туһа, туһалагша (помощь, помощник): Танайхин шуурганда нээрээшье ядалдаагүй гээшэ хат. Хоёр шиираг эрэ хүн ехэ тулгуури байһан байбат (Г.-Д. Дамбаев); тулгуури түшэг туһалагша, дэмжэгшэ (опора): Үгытэй ядуу зониие һула табиһан, ябагашуул яндашуулые өөгшөөһэншье һаа, эсэгэ ороной тулгуури түшэг болохо помещигүүдтэ тааруугүй ёһо гурим байна даа (Ч. Цыдендамбаев); ○ түшэг гэжэ үгэтэй парн. хэрэгл.