ТУЛГАЛХА

үйлэ ү. 1) ямар нэгэн юумэ дараад байха, ямар нэгэн юумэ хүлөөрөө гү, али гараараа тулаха (опираться, упираться): Бүхы бэеэрээ хүсэлжэ, хоёр гараараа тулгалан бодохо гэхэдэнь, нюдэдынь эреэлжэлжэ, газар дэлхэй хэлбэлзэхэдэл болоод, танигдаагүй хүбшэ холодожо байһандал гэхэ юм (М. Осодоев); хүлөөрөө тулгалха хүлөөрөө шангаар даража гэшхэхэ (упираться ногами): Либээнтэй хүлөөрөө газар һайса тулгалаад, хүсэ шадалаа шабхан, үшөө дээшэнь үргэбэ (Б. Санжин, Б. Дандарон); 2) ямар нэгэн юумэ дороһоонь өөдэ тулаад байха (подпирать чем-л.): Аяар тэрэ урда Эрхүүгэй ГЭС-эй мантан хаалта эржын хоёр мүрөөрөө хүнэй бодхоһон элһэн хадануудые баатар шэнгеэр тулгална (А. Жамбалдоржиев); 3) шэлж. түшэглэхэ, найдаха, хэрэглэхэ, дааха, эхи абаха, хараада абаха (опираться, пользоваться поддержкой): Ерээдүйнгөө хэрэгые бодоод үзэхэдэнь, ямаршье гэгээ забһар үгы, тулгалха найдаха тулгууришье үгы, харанхы балай байба (Ц. Дон); дүй дүршэлдэ тулгалха дадал болоһон шадабариие ашаглаха, хэрэглэхэ (опираться на опыт): Даржаа ахайшье үнгэрһэн сагайнгаа дүй дүршэлдэ тулгалаад, үглөөдэрөө хаража шадангүй, гар хүлөө дэмы түлхинэ гээшэ бэшэ аал? (Ж. Балданжабон).