ТУДАМ

наречи бүри (по мере того как): Ажабайдалай ута замай хизааргүй алас тээшэ шамайе хүтэлхэ тудам, холо ойрын нютагуудта шэнэ танилнуудтай болохо бүришни түрэһэн дайдашни, бага наһанайшни хани нүхэдэй сэдьхэлдэшни улам мээхэйгээр дурсагдадаг байһанда ямар тиимэ гайхал байхаб даа (М. Батоин); сагай (гү, али саг үеын) ошохо тудам саг үеын үнгэрхэ бүри (с течением времени): Сагай ошохо тудам һалхин шангадажа, далайн долгин улам бүри эгсэ, улам бүри хөөһэтэй болон мушхарна (Б. Мунгонов); (он) жэлэй үнгэрхэ тудам жэлэй үнгэрхэ, ошохо бүри (с каждым годом, что ни год): Тэрээн шэнги, Үрмын голой үгытэй буряадуудай байдал урданай сагта ушаргүй хүндэ, он жэлнүүдэй үнгэрхэ тудам улам бүри һүнэжэ һандаржа байһан юм (Б. Мунгонов); үдэр үнгэрхэ (гү, али ерэхэ) тудам үдэр үнгэрхэ бүри (с каждым днём, что ни день): Сандахын хүндын шэнэһэдэй мүшэрнүүдтэ үнжэгэн зөөлэхэн, сэл ногоохон һэмбэргэнүүд зай забһаргүй олоороо барсайжа ургаад, үдэр үнгэрхэ тудам ехэ боложо, нугаһанай һэмбэргын шэнээхэнүүд болохоёол байнад хэбэртэй (Б. Мунгонов).