ТОШОН

юум. н. соолгоһоо уһанай халихада, хүрэһэн мүльһэн (наледь): Нилээдгүй оройшог болоһон хойно тэндэһээ гаража, голой эрьедэ уурал һаарал болоһон тошон дээрэ тогтобод (Ц.-Ж. Жимбиев); тошон халяаха (гү, али хүргэхэ) газарай шиигтэй байхын тула уһа халяажа, мүльһэ хүргэхэ (намораживать наледь для сохранения влаги на лето): Харин энэ Юрөө горхон дээрэ, эгээл тэрэ Покровкын Адагта тошон халяагаагүйдэ аргагүй газар гээшэ (Б. Мунгонов); – Үнгэрэгшэ намар үбэлдөө тошон хүргэнгүй, ехэ алдуу хээбди гэхэ байнаб (Б. Мунгонов).