ТОҺОДОХО

үйлэ ү. 1) тоһо түрхихэ, тоһоор будаха (смазывать маслом машины, мазать маслом хлеб): Һаянай буугаа аршаха, тоһодохыень хүбүүндээ найдадаг болобошье, буугаа арилгаһанайнь һүүлээр заатагүй абажа шалгадаг һэн (Ф. Цыденжапов); ◊ улаяа тоһодоод тэрьедэхэ тэрьелхэ, хулжаха (удирать, убегать); ама (гү, али урал, хэлэ) тоһодохо эдилгэ үгэхэ (умасливать кого-л.): Тиигээшье һаа мүнгэ зөөриин хүсэн ехэ ха юм даа. Энэ тэрэнэй ама тоһодоод үзэһүүл даа (Ж. Балданжабон); – Зай байза, энэшни намайе гуйгаагүйдөө аргань үгы, тэрээн дээрэһээ бага ехэшье һаань, урал тоһодохо ушар шалтагаан гарахань хаям (Х. Намсараев).