ТОРХО I

юум. н. 1) модоор, үйһөөр болон ондоошье юумээр хэгдэһэн зосоонь шэнгэн ба үйрхэй бодос хэдэг элдэб томо жэжэ амһарта (кадка, кадушка, бочка): Бөөгэй һамган энээхэн торходоо хүрэнгэ эһээжэ, шэмэжэ уумаар һэмүүхэн архи нэрэдэг байгаа гэжэ тэрэ һайн мэдэнэ (М. Осодоев); торхо тоног (гү, али һаба) һү тараг болон бэшэшье юумэ хэдэг модон, үйһэн амһартанууд (деревянная посуда под молоко и молочные продукты); үйһэн торхо үйһөөр хэһэн амһарта (лукошко из бересты): Үйһэн торхонуудаа нарин модондоо углаад, эрьюулнэбди (Б.-Б. Намсарайн); түмэр торхо түмэрөөр хэһэн амһарта (железная бочка): …эхэмни шорой хамадаг, би зэд гуулинай зоргодоһо өөдэһэ суглуулжа, түмэр торхо соо зөөдэг ажалтай болоһон байгааб (Х. Намсараев); уһанай торхо зосоонь уһа хэхэ амһарта (кадка для воды); хилээмэнэй торхо алайр хилээмэ бариха гурил зуурадаг амһарта (квашня); 2) ямар нэгэн юумэнэй армаг, гол бэе, барилга, хананууд (остов, каркас строения): Минии эхэ эсэгэ хоёр наһа барашаһан, хогшол зөөринь үригдэжэ дууһаһан, бишыхан уляаһан гэрэймнай торхо сонхо үүдэгүй үлөөд, хооһон сууряа гаргажа байгаа һэн (Ш.-С. Бадлуев); Тойро тойроһоор торхо бодхоогооб (таабари, оймоһо оёхо); худагай торхо худагай хашааһан (колодезный сруб); 3) зуруул болон жэжэ бутархай юумэнүүдые хэдэг хайрсаг, амһарта (коробок): Нэгэ аяга сагаан будаа, гурбан гонзогор сигаретэ, хоёр торхо зуруул Токиогой юрын зоной амидарал болонхой юм (Д. Батожабай); Саарһан торхотойхон, хилгана голтойхон өөхэнэй тоһон дэнгээ унтараабад (Ц. Дамдинжапов); 4) шэлж. халуун аршаанаар дүүргэжэ, досоонь ородог ехэ амһарта (ванна); шэхэтэй торхо урда урдаһаа хараһан хоёр талынь хабһые барюул болгон үлүү гаргажа дархалһан хадуушха (ушат); торходо орохо халуун аршаантай амһарта соо бэеэ аргалхын тула орохо (принять ванну): Аршаан курортдо ошожо, торходо ородогшье һаа, баһа муу бэшэ һааб даа (Б. Мунгонов); 5) түнх. томо үйһэн хүнэг (большое ведро из бересты); ○ тогоон гэжэ үгэтэй парн. хэрэгл.