ТОРОЛДОХО

үйлэ ү., угталд. залог 1) тогтохо, орёолдохо, хүрмэлдэхэ (спотыкаться, зацепиться, запутываться): Тогоошо байра дээрээ тодохо аад, юундэшьеб урагшаа үлүү алхаадхин, бүмбэгэдөө хүрэжэ шадахагүй болоходоо, дахин гэдэргээ һүрэжэ, тэрэнээ халта һабардаад алдажархиха зуураа өөрынгөө хүлһөө торолдон тарайшалай (Д.-Д. Дугаров); хормойдоо торолдохо хормойдоо хүрмэлдэхэ, орёолдохо (запутаться в подоле): Валя тракторай ябажархёо һаань, даруулхаяа айһан юумэдэл, үндэгэд гэхэдээ, хормойдоо торолдон унажа, хажуу тээшээ харан, ёолон хэбтэбэ (Ц.-Ж. Жимбиев); нюдэндэ торолдохо харагдаха, онигогдохо (попадаться на глаза): Дайсад ябаал һаа, хэн нэгэнэйнь нюдэндэ торолдохо (Б. Шойдоков); 2) хүдэлхэгүйгөөр тогтохо, аһасалдаха, бүхэлэгдэхэ, үлэхэ (застревать, удерживаться): Минжурай хоолойдо торолдон байһан бүлхин гансата һалажа, сэдьхэлынь сэлмэбэ (Ж. Тумунов); эмээл дээрэ торолдохо эмээлһээ шангаар барилсан унахагүй, һууһаар үлэхэ (удерживаться в седле): ...халба һүрэжэ будхаһан моринойнгоо хүзүү тэбэрин, эмээл дээрээ арайхан торолдобо (Г.-Д. Дамбаев); 3) шэлж. хэлэжэ ядаха, харюудаха, хэлэхэ үгэгүй үлэхэ (запинаться – о речи): – Ши энэ… – гээд, торолдожо, ямар нэгэн юумэ мартажархёод, һанажа ядаһан мэтэ, Намжал уруу хараба (К. Цыденов); 4) шэлж. дутагдал бэдэржэ зэмэлхэ, зэмэлхэ шалтаг олохо, арсалдаха (придираться): – Зай, болииш даа, Света. Юундэ үгэ бүридэмни торолдонош? (Б. Мунгонов).