ТОЙРУУ

тэмд. н. 1) сэхэ бэшэ, холуур (дальний, кружной, окольный): Тогоошо Чэдхэдэй дабаан дээрэ гараад, Ара Ториин адагаар сэхэ хариха нүхэдһөө һалажа, тойруу замаар бусахые шиидээ (Д.-Д. Дугаров); 2) шэлж. саагуур удхатай, халтантуулһан, сэхэ бэшэ, удхань бүдэхи (запутанный, замысловатый): Минии һаяхан хэлэһэн тойруу үгэнүүдһээ Доржо юушье ойлгоогүйл даа (Ч. Цыдендамбаев); Тойруу бодолой туһа бага, сэхэ ухаанай сэн ехэ (Оньһ. ү.); тойруу хөөрэлдөөн сэхэ бэшэ, орёо, бэрхэтэй бүтэсэгүй хөөрэлдөөн (запутанный разговор): Энэ тойруу хөөрэлдөөе нэгэ тээшэнь харуулха гэжэ Ламажабхай, наһаар бултанһаань аха хүн, шиидэбэ янзатай (Д. Эрдынеев).