ТОЙРОХО

үйлэ ү. 1) ямар нэгэн юумые гороолон алад гараха, эрьехэ, орёон гараха (обходить, объезжать вокруг чего-л., кружить): Дугар Хашан Бататай хам орожо барилдаа һаа, тэсэхэ гүб гэжэ, хаанаһаань оролтойб гэжэ нүгөөдынгөө гарта орохогүйе оролдожо, тонгойшоод тойроно (Б. Шойдоков); эрьюулгэ тойрохо эрьюулгэ хүдэлгэхэ, эрьелдүүлхэ (приводить в движение кожемялку): Ямаахан тэрэ зэргэ тулижа зобожо, айлай эрьюулгэ тойрожо ябахадаа, харанхы болошоһон сэдьхэл һанаагаа хүнгэн болгохын тулада нариихан шэнгэн хоолойгоор … иимэ дуу дууладаг байгаа юм (Х. Намсараев); тойроод хараашалха иишээ тиишээ эрьен хараха (озираться, смотреть вокруг): Үбдэг дээрээ бодоод, тойроод хараашалһанайнгаа һүүлээр, хомхойгоор уһа уужа эхилбэ (В. Гармаев); 2) хажуугаарнь оршохо, хүреэлээд байха (окружать): Газар сүмэржэ байһан мэтэ харанхы һүүдэр тэдэниие тойроно (З. Гомбожабай); 3) сэхэ бэшээр, холуур ябаха, хабаадахагүй, хамаархагүй (обходить, пройти мимо): Лама нюдарган хоёр энэ хамтын ажалые харахадаа, нюдэндөө унаһан бог мэтэ һанажа, хилайжа харадаг, тойрожо ябадаг болобо (Ц. Дон); ○ эрьехэ гэжэ үгэтэй парн. хэрэгл.