ТОЙРОБШО

: тойробшо (гү, али тооробшо) малгай юум. н. буряад угсаатанай дулаанай сагта үмдэдэг шобогор оройтой, орой дээрээ залаатай, шэгэбшэгүй, доодо таладаа тойруулаад хэһэн, хилэн, халюун, булган гэхэ мэтые халажа гоёоһон дэрбэгэр һарабшатай малгай (конусообразная шапка с загнутыми вверх и опушенными мехом выдры и соболя краями): Шэнэ оёгдоһон һамган дэгэлтэй, тойробшо малгайтай, гоё һайхан зүүдхэлтэй Хандын зоной дунда харагдахада һонирхоон, шэбэнэлдээн гансата түргэдэбэ (Д. Эрдынеев); булган тойруубша малгай булганай арһа һарабшадань халаһан гоёлой малгай (шапка, отороченная собольим мехом).