ТОДООР

наречи 1) элеэр, һонороор, һайнаар, эрид хурсаар (чётко, явственно, отчётливо): Тээ доро, зуугаад метрэй газарта, һүндэлжэ байһан нүхэдөө Дагбаев тодоор обёорбо (В. Гармаев); эли тодоор тон тодоор, элеэр (ясно, чётко): Удабашьегүй, гэгээн сагаан үдэр боложо, одоол ойро тойрон эли тодоор харагдана (Х. Намсараев); ойлгосотой тодоор һонороор, элеэр, эрид хурсаар (чётко и ясно): – Зай, шагнагты, нүхэд, – гээд, тэрэ айхабтар намшагтайгаар хоолойгоо заһажа, ойлгосотой тодоор, эрид хурсаар уншана (Ч. Цыдендамбаев); тодоор һанагдаха һайнаар, үсэгэлдэр болоһон шэнгеэр һанагдаха (отчётливо вспоминаться): Үнгэрэгшэ жэлнүүдэй уняар сооһоо гансата ехэ тодоор Гэрэлмаатай наададаг сагуудни һанагдажа, үнжэгэн халуухан мэдэрэлнүүдые үрэ зүрхэндэм асарба (Ц.-Д. Хамаев); 2) ойлгомжотойгоор, ойлгосотойгоор (ясно, доходчиво, понятно): Тиихэдэнь Ёндон миһэд гээд, Должоной тэрэ харанхы гудамжада хайшан гэжэ байһые тодоор хэлээд үгэнэ (Ц. Дон); тодоор ойлгуулха удха, ушар шалтагаае ойлгомжотойгоор тайлбарилха, дэлгэрүүлэн хэлэжэ үгэхэ (доходчиво объяснить): – Үгышье һаа, тэрэ жалгын хаана һые ехэл тодоор ойлгуулжа үгөө гү? (А. Ангархаев); тодоор харуулалга зүбөөр харуулалга, һайнаар харуулалга (чёткое изображение): Х. Намсараевай «Тайшаагай ташуур» гэжэ зүжэгтэ хатуу шэрүүн абари зантай тайшаа-ноён Ринчиндоржо Дымбыловэй образ Содном Хажитов артистын тодоор харуулалга тон һайшаамаар байгаа һэн.