ТОГТУУРИТАЙ

тэмд. н. тохонижоһон, хубилдаггүй, ходол байдаг, тогтомол (устойчивый, стабильный): Гэхэ зуура Алас-Дурна зүгэй хүгжэлтын үндэһэтэнэй программын болон Буряад Уласай хүдөө нютагуудай тогтууритай хүгжэлтэ гэhэн программын хэмжээндэ үшөө гурбан соёлой байшангууд шэнэлэгдээ (Б. Цырендоржиев); тогтууритай жэгдэ хубилдаггүй, ондоо болодоггүй (стабильный, неизменный): Һүүлэй үеһөө хойшо арад зоной ажабайдал агууехэ мүрэндэл һаатуулшагүй, баригдашагүйгөөр, тогтууритай жэгдэ урадхалаар, дундаршагүй мүнхэ хүдэлөөгөөр далай тээшэ урдаһандал, холын хараагаар дабшажа эхилээ (Д.-Д. Дугаров); тогтууритай баян ургаса ходо һайн байдаг, доошолдоггүй ургаса (стабильный урожай): Орооhо таряанай, тэжээлэй ургамалнуудай тогтууритай баян ургаса ургуулаад, үбhэ тэжээл ехээр бэлдээ hаа, эндэшье ехэ hү, элбэг мяха абахал hэмди (Т. Самбялова).