ТОГТООЛ

юум. н. олоороо хэлсэжэ гаргаһан шиидхэбэри, баталагдаһан шиидхэбэри, тогтоомжо (постановление, решение, резолюция): Үглөөдэр суглаанайнгаа тогтооһон тогтоолдо гараа табяад, ород ноёндоо үгэхэ байнабди, Энгидэймнай һалаба гээшэ (Б. Барадин); түүхэтэ тогтоол түүхэдэ ороһон, ямар нэгэн юумэ эрид хубилгаһан тогтоомжо (историческое решение): Энэ түүхэтэ тогтоолые манай арад зон зүрхэнэй халуун баяраар хүлеэжэ абаба (Х. Намсараев); тогтоол гаргаха (гү, али абаха) олоороо хэлсэһэнэй һүүлээр нэгэ шиидхэбэри зүбшөөжэ баталха (принимать решение, постановлять): Харин хойто тээнь, хулгана жэлдэ, манай отогой ахамад түрүү хүнүүд хуралдажа, мүнөө һанахадам, иимэ тогтоол гаргаа һэн (Б. Санжин, Б. Дандарон); Гасаланда хүрмэгдэһэн хубигүй хүбүүе Дулгуудайн тэжээжэ абаһанда туһаламжа үзүүлжэ байха тогтоол колхозой правлени абаһан юм (Ц.-Д. Хамаев).