ТОБШОЛХО II

үйлэ ү. 1) богони болгохо, богонидхохо (укорачивать, сокращать): Улаан-Үдын главпочтамтын хүдэлмэрилэгшэд юундэшьеб «Буряадай Уран зохёолшодой холбоондо» гээд тобшолон бэшээ (Н. Дамдинов); харгы тобшолхо харгыгаар ябангүй, тойронгүй, замаа богони болгохо, зам сэхэлхэ (сокращать путь): Заримандаа хаана ошожо ябанабибди гэһэндэл, харгыгаа тобшолон, иишээ тиишээ хараашална (Ц.-Ж. Жимбиев); 2) тобшолол хэхэ, дүн гаргаха, дүгнэхэ (резюмировать, кратко излагать): Багшанар бүхэн өөрынгөө жэшээгээр шабина раа хүмүүжүүлхэ ёһотойбди гээд арбадахи классай хүтэлбэрилэгшэ Жаргалма Баировна Базарова хөөрэлдөөемнай тобшолбо (baikal — daily. ru); тобшолон хэлэбэл (гү, али хэлэхэдэ, хэлэхэ болоо һаа) богонёор хэлэхэдэ (вкратце говоря, короче говоря): Тобшолон хэлэбэл, Доржо Сультимовай «Сагай эрхэ» гэhэн туужа энэ сагтаа ехэ тааруу, гүнзэгы удхатай, жанрай талаар зүбөөр бэшэгдэhэн зохёол гэжэ бодогдоно (Б. Балданов); Тобшолон хэлэхэдэ, Агын тойрогой хүндүүлхэй асуудалнуудые шиидхэхын тула засаг болон олониитые элсүүлхэ хүсэн – Агын Буряадай тойрог хүгжөөлгөөр ниитын зүблэл байгуулагдаба (Д. Базарова); Тобшолон хэлэхэ болоо һаа, Буряад аймаг нютагуудай ажалша малша арад түмэн бултадаа Будамшуу мэргэн хүбүүнэй түрэл гарал болодог (Ц. Шагжин).