ТАҺАРДАҺА(Н)

(Н) юум. н. 1) хуби, угзаруулһан, һалгагдаһан хэһэг, хахад-хухад (обрывок, часть): Үүлэнэй таһардаһанай саанаһаа бултайһан наранай дээрэхэнэ гараад байхада, үбгэжөөл Сахюуртын хормойдо хэбтэдэг хониной тухай монсо сонсо шулуунуудай дунда ороод, нэгэнэйнь саһа этээд, үшөө дахин үбэрһөө тамхияа гаргажа татаба (Ц.-Д. Хамаев); газетын таһардаһан хахалһан газетын хэһэг (обрывок газеты): Харана гүт, газетын таһардаһан хэбтэнэ, шатаһан зуруул, сабхиин мүр (С. Цырендоржиев); энеэдэнэй таһардаһан дутаг ядаг дуулдажа байһан энеэдэн (обрывки смеха): Евсей Данилович болон бусадай энеэдэнэй таһардаһан, моридой турьяан, боотолнуудайнь элдэб хоолойгоор хонхинолдохонь дуулдана (С. Цырендоржиев); 2) нэгэ гарбалтай, нэгэ угһаа гараашан, таһараашан (отпрыск): Энэ Гомботоной таһардаһан юун мүртэй хүн байхаб (Ц.-Ж. Жимбиев); шуһанай (гү, али мяханай, мяха шуһанай) таһардаһан түрэһэн үхибүүн, үрэ бэе (родной ребёнок, ≈ плоть и кровь): Муу һайншье һаамни, тэдэшни минии мяханай таһардаһанууд ха юм (С. Цырендоржиев); Хонгорые больницада ороо гэжэ дуулахадаа, шуһанайнь таһардаһан болохо үри бэе тухай ойндоо оруулжа, эндэ гүйжэ ерээд, энэ мэгдэжэ ябанал (Д. Эрдынеев); Эрэ хүнүүд үхибүүгээ, түрэһэн үриеэ, мяха шуһанайнгаа таһардаһые хайрлаха, өөгшөөхэ гэжэ мэдэдэггүй гээшэ ха (С. Цырендоржиев).