ТАҺАЛДУУЛХА

үйлэ ү., идх. залог болигохо, байлгаха, тогтоохо, зогсоохо, hаад хэхэ (прерывать, останавливать): Мороохой бөөлэлгэеэ нэгэ таһалдуулжа, улаан тагшынгаа оёор уруу нилээд удаан шэртэнэ (М. Осодоев); уһаар таһалдуулха уһа үгэхэеэ болихо (переставать снабжать водою); һургуулиһаань таһалдуулха ямар нэгэн ушараар һургуулидань ябуулхагүй (прерывать занятия в школе): Үхибүүдээ һургуулиһаань таһалдуулхада һайтай бэшэ (Ф. Цыденжапов); хүдэлмэри таһалдуулха хүдэлмэридэ һаад ушаруулха (срывать трудовой процесс): Колхозой ажал хүдэлмэриие таһалдуулха зорилготой, элдэб бэшэг тараадаг байгаа ха юм (Ж. Балданжабон); хэлсээнүүдые таһалдуулха хэлсээнүүдые болигохо, эмдэхэ (срывать переговоры); үгэеэ таһалдуулха үгэеэ таһалан дуугарха, тогтожо байжа дуугарха (говорить, прерываясь): – Түрэһэн нютаг тээшээ зүг баряад харай! – гэжэ Осор бороогой уһанда амияа хаагдажа байһандал, үгэеэ таһалдуулан хашхарба (Д. Батожабай); бодол таһалдуулха ямар нэгэн юумэн тухай бодохые болигохо (прерывать чьи-л. мысли): Энэ үедэ Сабидар тэсэжэ ядан, урда туруугаараа газар сабшан хуухиржа, хүбүүнэй бодол таһалдуулба (Ц. Дон); аалин байдалые таhалдуулха аниргүй байтараа дуугаржа эхилхэ (прерывать молчание): Василий Логинов гэнтэ тогтоһон аалин байдалые таһалдуулба (Б. Шойдоков); хөөрэлдөө таhалдуулха хөөрэлдэжэ байхыень болигохо (прерывать разговор): Энэ үедэ Ардан хорёо соо хатаргаһаар орожо, хөөрэлдөөень таһалдуулаа һэн (М. Осодоев); нойр таһалдуулха hэрюулхэ, үргэһыень һамшааха, унтахыень һаатуулха (прервать сон): Үлбэр ядуу хүнүүдэй унтаха нойрыень таһалдуулжа, һэрюулжэ орхино гүб гэжэ дүлүү һэмээхэн ябажа, газаа гаража ерээд, Гомбо хэбтэриеэ аятайхан хуряаба (Ц. Дон); 2) үгэ хэлүүлхэгүй, үгэ таһалха (перебивать): Хөөрэһыень шэхэеэ табин шагнажа, халташье таһалдуулбагүй (Ц.-Д. Хамаев).