ТАҺАЛГАРЯАГҮЙ

1. наречи болингүй, байнгүй, тогтонгүй (непрерывно, беспрестанно): Тэрэнэй ерэхые тэсэ ядангяар хүлеэжэ байһан юумэнүүдтэл, харагдахагүй хара боргооһонууд таһалгаряагүй уншарагтайгаар һииналдан, улилдан, Бальжинимые зүг бүхэнһөөнь добтолжо оробо (Ч. Цыдендамбаев); таhалгаряагүй хурхирха зогсолтогүй, нэгэ жэгдэ хурхирха (мерно храпеть): Отог сооһоо нэгэ хүнэй һанаа амараар таһалгаряагүй хурхирха шэмээ элихэн дуулдана (Ц. Дон); 2. тэмд. н. таһалдалгүй, зогсолтогүй, саг үргэлжэ (беспрерывный, постоянный, непрерывный, бесперебойный): Һургуулиин наhа хүсөөдүй (4-5 наhатай) хүүгэдэй хэлэ хүгжөөлгын ба грамотада hургалгын таhалгаряагүй ажал ябуулга hургуулиин эхин классай программатай нягта холбоотой байха ёhотой (infourok. ru); таһалгаряагүй үргэлжэ таһалдангүй, саг үргэлжэ, зогсолтогүй (беспрерывный, неугомонный): …булжамуурнуудай жэргэхэнь таһалгаряагүй үргэлжэ һайхан дуун шэнгеэр дуулдана (Б. Мунгонов); таһалгаряагүй ургалта үргэлжэ дээшээ бололго (непрерывный рост); таһалгаряагүй хүгжэлтэ таһаралтагүй, дээшээл ябаһан хүгжэлтэ (перманентное развитие); долгинуудай таһалгаряагүй абяан долгидой үргэлжэ шууяан (неумолчный говор волн).