ТАХИХА

үйлэ ү. 1) шүтэжэ байха, үргэл хэхэ, үргэхэ, эдеэнэй дээжээр үргэл табижа хүндэлжэ байха (совершать религиозный обряд, совершать жертвоприношение, приносить жертву): Хура бороогой иимэ удаан орохогүйдэ хүн зон һанаагаа зобожо, зүүн үндэрөө тахижа, бурхан тэнгэриһээ үршөөл хайра гуйха һанаатай аад, Дардай бөөгэй захиралта хүлеэдэг байба (М. Осодоев); обоо (бунханаа) тахиха тахилгата үндэртэ гаража, обоогой эзэдые дурдажа, олоороо үргэл хэхэ (совершать обряд поклонения обоо): Аймаг аймагай үндэр уулын обоо тахижа, хэдэн голой зон сугларжа, эгээн ехэ найр наада хэнэ. Тиимэ ехэ үндэр уулатай обоонууд аймаг бүхэндэ байдаг (vk. com); Эртээнһээ зальбарха, мүргэхэ, дасангһаа лама бандинарые залажа, обоо бунханаа тахиха байгаалди даа (Ц.-Ж. Жимбиев); лусад тахиха уһанай эзэдтэ үргэл хэхэ (совершать обряд поклонения нагам, духам-владыкам водной стихии): Тиимэһээ Буддын шажантан Лусад тахиха гээшые шухала удха шанартай гэжэ тоолодог. Хүнүүд уһанай эзэдые хүндэлбэл, өөрынгөөшье бэе махабадта гамтайгаар хандана гэжэ ойлгожо болоно. Үнэн дээрээ 8 Лусад хаан гомдобол, үбшэн тахал, байгаалиин гай тодхор ушаруулха шадалтай бшуу (Буряад Y нэнһөө); сэдьхэлдээ тахиха сэдьхэлдээ бүхөөр һанаха, гамнаха, хадагалха (беречь, бережно хранить в душе): Майдар ухаа алдахагүй, сэдьхэлдээ тахижа ябаһан арюун мэдэрэлээ нэгэ үдэрөөр урбалдуулжа орхихогүйл һэн (Ц.-Д. Хамаев); 2) шэлж. һайнаар хандаха, талархан соёрхохо (благоволить): Гэртэхиниинь намайе бурхандал тахижа, урдамни мүнхэ зула бариха һэн (Ч. Цыдендамбаев); 3) шэлж. өөгшөөхэ, бөөмэйлхэ, эрхэлүүлхэ, үгэһөөнь гарахагүй (холить, ублажать): Убсансые тахиһан ламбгайнартай ойлголсохо гээшэмнай баһашье уншарагтайхан юумэ агша даа (Х. Намсараев).