ТАХИГАР

тэмд. н., а) годигор, тохигор, нугагар, хитагар (кривой, изогнутый, скрюченный): – Хүрэ хүрэһөөр ойн төөлмэгүүдэй тахигор тахигар хуһа, боролжо сэбэрлэжэ, таряа тария (Ш.-С. Бадлуев); тахигар һэлмэ салигар, хитагар һэлмэ (изогнутая сабля): Гомбо-Доржо тахигар һэлмэеэ далайнхай юумэ, хиирэһэн арьяатандал, нюдэ нюургүй гэрһээ гүйжэ гараад, хэнииешьеб бэдэржэ, лагерь соогуураа гүйбэ (Б. Санжин, Б. Дандарон); тахигар сарбуу тохир, гажанги, сэхэрдэггүй сарбуу (скрюченная кисть): Доржын хүсэтэй томо гар соо Бобровскиин яһархаг тахигар сарбуу хахинана (Ч. Цыдендамбаев); б) оодон, богони (короткий, куцый): Һайхан басаган таһалгадаа удабашьегүй, дахин агаар һэбин хажуугаарнь гаража, үлгэсэһөө хуушахан тахигар богони болоһон пальтогоо абажа үмдөөд, бээлэй баряад, газаашаа гарашаба (Ш.-С. Бадлуев).