ТАРШАЛХА

үйлэ ү. 1) мухариха, эрьелдэхэ урбалдаха, хүльбэрхэ (переворачиваться с боку на бок, ворочаться): Үүр хираалтар Манжуур Дамбын нойрынь хүрэжэ үгөөгүй, алтанай шэжэдэ абташоод, ото таршалжа хэбтээ (Ш.-С. Бадлуев); торгон дээрэ таршалжа, тоһон соо умбаха баян һууха, юугээршье дутахагүй (≈ кататься как сыр в масле): – Ямар олон үлэн хооһон гуйраншад гээшэб, эндээ туража үхэнэ ёһотой, тиихэдэнь баяшуул, манай гостиницын эзэншье, торгон дээрэ таршалжа, тоһон соо умбажа байна ха юм (Б. Санжин, Б. Дандарон); 2) һараганаха, арбаганаха, бодожо ядаха (возиться, беспомощно барахтаться): Ябаха дээрээ эрьелдэжэ харан гэһээнь, нөөхи үхэшоо гэжэ һанаһан шононь бодохо һанаатай, таршалжа, үндэгэшэжэ байба (С. Ангабаев); 3) тараганаха, татаганаха, атиралдаха (корчиться).