ТАНЮУҺА(Н)

(Н) юум. н. 1) илгажа абаха онсо тэмдэг (метка, помета): Тэдэнэр энэ алууршан этэгээдэй үшөө мэдэгдээгүй танюуһан тэмдэгүүдые хэлэжэ үгэхэ аалам (Б. Мунгонов); танюуһа хэхэ илгажа абаха тэмдэг табиха (ставить метку): – …энээнэйшни һэнжэдэ, танюуһа хэжэ, минии һиилэһэн тамга бии юм (Х. Намсараев); 2) хэлсээтэ нюуса үгэ (пароль); 3) ямар эд бараа бусадһаа илгажа абахын тула бүтээһэн тэмдэг (марка): …«Сэсэг» гэһэн хүдөө ажахын кооператив «Наше всё» гэһэн танюуһан доро үйлэдбэрилдэг продукцияа – сыр, өөрын шүүһэн соо болгоһон үхэрэй мяханай консервэнүүдые, олзын хэрэг эрхилэгшэ Дарима Балданова борсолһон мяха асарһан байна (Д. Раднабазарова).