ТАНЮУЛХА

үйлэ ү., идх. залог 1) хэн бэ гэжэ гү, али юун бэ гэжэ хэлэжэ үгэхэ, мэдээсэлээр хангаха (познакомить, ознакомить): Нагаса эжынь тэрэ дүрэ харуулжа, аба эжы хоёршни эдэ гээшэл даа гэжэ танюулаад, тэдэнэй яаһан тухай хэлээ һэн (Б.-Б. Намсарайн); Ээлжэлэн заажа, / Энэ заводоо харуулба, / Түүхэлэн хэлэжэ, / Түрүүн тогтоһынь танюулба (Х. Намсараев); амта танюулха һайн, хэрэгтэй юумэн гэжэ һайшаалгаха, дуратай болгохо (пристрастить): – Энэ нохойдо юумэ үгэжэ амта танюулһаншни, газааһаамнай һалахаа болишобо; Яажа хүдэлмэреэр олоһон олзынь амта танюулхаб? (Ш.-С. Бадлуев); Яажа жэгэндээрһэн басаган гээшэб, бэеэ танюулхадаа бүрил шангаар ооглошобо (М. Батоин); 2) танигдаха (быть опознанным): Энэ хүн Дашында тогтожо, танюулжа ядажа удаан газаань байба; танюулхаяа айха бэеэ элирүүлхэеэ айха (бояться быть узнанным): Доржо танюулхаяа айжа, томо һарабшатай малгайгаа нюдэн дээрээ татаад ябана.