ТАЛМАЙ I

юум. н. 1) үргэн жэгдэ зай, газар (площадка, поле, ровное место Тармагдаха талмайнь, түймэрэй дунда байһан заахан олтирог мэтэ, эндэ тэндэһээ хашагдан, ташаатан, улам улам бага боложо, һүрөө дарагдан хёрбойжо, борлон харагдана (Ц. Дон); байлдаанай талмай тулалдаан болоһон газар (поле боя): Харин дайлахаяа орожо ерээд, эндэ алуулагдаһан дайсан сэрэгшэд шоно нохойн, шубуу шонхорой хүнэһэн болохоёо байлдаанай талмай дээрэ үлөө бэлэй (Б. Санжин, Б. Дандарон); тамирай талмай элдэб спортивна наада наадаха ба мүрысөө үнгэргэхэ тусхай түхеэрэлгэтэй газар (спортивная площадка): Буряад Уласай барилгын сайд Николай Рузавинай хэлэһээр, хүдөө нютагуудай ажаһуугшад гэр бүлөөрөө тамирай талмайнуудта ерэжэ, бэеэ һорихо аргатай болохо (Буряад Y нэнһөө); тарилгын талмай ямар нэгэн ургамал тариха газар, дайда (посевная площадь); залаата таряанай талмайнууд хоолосто ургамалнуудые тариха газар (посевные площади под колосовыми); һургуулиин талмай һургуулиин газаагуурхи хорёологдоһон газар (школьный двор); барилгын талмай барилга болон барилга шадарые хорёолһон газар (строительная площадка); ашаа буулгадаг талмай элдэб ашаа болон эд бараа буулгадаг тусхай газар (разгрузочная площадка); 2) ехэ һуурин газарай дунда байгаа, гэр баригдаагүй жэгдэ газар, тэрээнһээ элдэб зүг тээшээ шэглэһэн гудамжанууд эхилдэг (площадь): Буряад Уласай ниислэл хотын түбэй талмай дээрэ табигдаха хасуури Ородой Холбоото Уласай эгээл үндэр 15 хасууринуудай тоодо оробо (Б. Цырендоржиев); Улаан талмай Москва хотын түбтэ байдаг талмай (Красная площадь): Рагузинский үбгэнэй хойноһоо дахин хараад, Москвада Улаан талмай дээрэ болоһон хэтэ гадна зэбүүн муухай ушарые ойндоо оруулжа, жэрхэдэһэниинь хүрэхэдэл гэбэ (Б. Санжин, Б. Дандарон).