ТАЛАРХАХА

үйлэ ү. 1) нүхэр ёһоор һанаха, халуунаар, урин дулаанаар хандаха, уряалгы байха, эльгэлэн угтаха (проявлять дружелюбие, быть приветливым, симпатизировать): Таряашанай хүбүүн Бударин хүдөөгэй зондо аргагүй талархадаг, уг гарбалаа хаанашье, хэзээшье үмөөрдэг заншалтай юм (Д.-Д. Дугаров); 2) дэмжэхэ, һайшаан зүбшөөхэ (поддерживать): Өөрынь түлөө абынгаа һанаагаа зободог, тэмсэлдэнь талархадаг байһые Майдар ойлгоходоо баярлаба (Д. Эрдынеев); 3) аша туһа хүргэһэндэ баярлаһан сэдьхэлээ харуулха, ашые һанажа баярлаха (благодарить): Иимэ һайхан бэлэг ямаршье ехэ арад талархан хүлеэжэ абаха байна бшуу (Ж. Балданжабон).