ТАГЛАХА

үйлэ ү. 1) бүглэхэ, таглаагаар хааха, ямар нэгэн юумые шэгэдхэхэ (закупоривать, затыкать): Газар дорохи уһа, далайн дээшээ хөөрэн гараха нүхэ, абарга могой таглаад хэбтэдэг юм (А. Ангархаев); шэхээ таглаха ямар нэгэ юумээр шэхээ хааха (затыкать уши): Тэрэнэй нэерхэ бүринь хабиигаад, нюдэеэ анин, шэхэнүүдээ таглан, Оюуна зогсоно (Ц.-Ж. Жимбиев); ама таглаха а) ама бүтүүлхэ (затыкать рот чем-л.): Хутагаяа гаргаад, гар соогоо оншотойгоор бариха гэжэ байтарнь, араһаань хүндэ юуншьеб гэнтэ хаягдажа, хүсэтэй хэншьеб амыень таглаад, газарта унагаажа, нюдэ сабшаха зуура гарнуудыень мушхажархиба (В. Гармаев); б) шэлж. ямар нэгэн аргаар хүниие харюусаха аргагүй болгохо, торгохо (заставить замолчать): Цзо Цзун-тань һамган тээшээ хүлзэжэ, хамартаа үлгөөтэй шэл дээгүүрээ нюдэеэ бэлтылгэн, гэргэнэйнгээ ама таглаад, сагаан шүдэеэ харуулан, энеэбхилһэн шарай бусадта үзүүлнэ (Д. Батожабай).