ТАГЛАЖАРХИХА

үйлэ ү., видэй нэгэ түхэл бүглэжэрхихэ, таглаагаар хаажархиха, ямар нэгэн юумые шэгэдхэжэрхихэ (решительным движением заткнуть): Анханай энэ хара уhанда hөөл дуратай бэшэ агша аад, Самбуу архииень таглажархёод, өөртөө сай хэбэ (Д. Эрдынеев); ама (гү, али хэлэ) таглажархиха а) тааруу шанга харюу үгэжэ дуугархыень болигохо, торгохо (затыкать рот): Гуламтаһаа улаан сог абаад, үбгэнэй шүдэгүй амые таглажархиһайб гэжэ Доржо һанаадхина (Ч. Цыдендамбаев); – Тиигэбэл тэдэнэр танай наһанда хүрэхэдөө, яһала дүршэлтэй болоод байха һэн, – гэжэ Бадимбаев харюусахадаа, Большаковой енгүүтэй хэлые гансата таглажархиба (Б. Мунгонов); б) шэлж. эдилгэ үгэхэ (давать взятку): Хэрбээ аматай шүдэтэй ноёдой аһахаар аашалаа һаань, ангайжа шадахаяа болиторнь амыень таглажархиха таглаадаһан болохоор алта мүнгэнэй зүйл энээн соомнай яһала бии ха юм… (Х. Намсараев).