ТАБЮУЛХА

үйлэ ү., идх. залог 1) а) ямар нэгэн юумэ хабтагар нюруун дээрэ орхихые баадхаха, орхюулха, тодхоохо (заставить положить; позволить поставить): Гэртэ баруугаар Бадма абгай түрүүтэй үбгэд урдаа табаг табюулаад, сай уужа һууна (Х. Намсараев); хадаг табюулха хадаг табихые зүбшөөхэ (разрешить свататься): Басагаяа үгэхые зүбшөөжэ, бурхандаа хадаг табюулаат, бэлэг сэлэгымни абаат, хүн хүлөөрөө тородоггүй, хэлээрээ тородог юм (Х. Намсараев); телефон табюулха телефонтой болгохо (заставить провести телефон): Телефон табюулхаб гэжэ бригадир хүбүүн үни найдуулhан аад, мүнөөшье болотор үгы (Г.-Д. Дамбаев); гар табюулха баримта бэшэг дээрэ нэрэеэ бэшэжэ баталуулха (заставить расписаться): Энэ үедэ КТМ даагшын хажууда инженер Гнесин ерээд, ямаршьеб саарһанууд дээрэ гарыень табюулан абана (Ц.-Ж. Жимбиев); хүл табюулха хүл алдуулха (не чувствовать ног): Гэнтэ нэгэ айхабтар хүсэтэй бүлэг дабалга ерэжэ, яахашье аргагүй хүл табюулан эхилхэдэнь, Цыремпил жолоогоо шанга барижа, һайн бууралайнгаа дэлһэндэ бажуулдашоо һэн (Х. Намсараев); 2) уяатай гү, али хаалтатай байдалһаа гаргахые баадхаха, өөрын мэдэлээр ябаха аргагүй газарһаа зүбшөөл үгэжэ гаргахые баадхаха (заставить отпустить): Һүүлдэ басаган арайшье гэжэ гуйжа байгаад табюулба (Ц.-Ж. Жимбиев); 3) ямар нэгэн юумэнэй хабтагар нюруун дээрэ орхигдохо, табигдаха (быть поставленным): сонхын можодо табюулха; 4) уяатай гү, али хаалтатай байдалһаа гаргагдаха, өөрын мэдэлээр ябаха аргагүй газарһаа зүбшөөл абажа гараха, ябаха зүбшөөл абаха (быть отпущенным): Теэд юундэ эндэ һуужа һуугаа хүмши?! Табюулаад шүдэнэй врачта ошыш (Б. Мунгонов).