ҮЗЭСХЭЛЭН(Г)

(Г) 1. тэмд. н. гоё, hайхан, харахада таатай, бахархамаар (красивый, прекрасный, приятный глазу): Тиихэдэ гэнтэ урдань нээгдэһэн үзэсхэлэн зурагһаа нюдөө һалгажа ядан һүрдэжэ, амяа татан тэрэ удаан, хүдэлэнгүй зогсобо (К. Цыденов); үзэсхэлэн hайхан (гү, али гоё) гоё, харахада таатай, hонин, бахархамаар (красивый, прекрасный): Гурбан ангуушад байгаалиин үзэсхэлэн һайхан үзэгдэл ябууд лэ анхараа бэзэ, моридоол ехэтэ яаруулжа ябана (С. Доржиев); Үзэсхэлэн гоё, үнгэ бүриин ой модотой үндэр уула хабсагайнуудаар халхалагдаһан газар (Б. Санжин, Б. Дандарон); 2. юум. н. 1) харагдаха зүйл, харахада гоё, hонин, юрэ буса, сэдьхэл буляама юумэн (зрелище): Үзэсхэлэн һайхан түүхэтэ газарнуудые харахын орондо, өөрөө хүнүүдтэ үзэсхэлэн болобо хаб даа (Г.-Д. Дамбаев); үзэсхэлэн h айхан үзэмжэ h айтай, харахада гоё, hонирхолтой (красивый, зрелищный): Гурбан ангуушад байгаалиин үзэсхэлэн һайхан үзэгдэл ябууд лэ анхараа бэзэ, моридоол ехэтэ яаруулжа ябана (С. Доржиев); 2) шэхэ нюдэнэй шэмэг, hайхан юумэн, бахархамаар, дура буляамаар юумэн (красота, прелесть): Химни дээгүүр манан хөөрэжэ, үндэр газарай үдэшын үзэсхэлэн боложо тодорно (Д.-Д. Дугаров); байгаалиин үзэсхэлэн байгаалиин гоё hайхан, бахархамаар, дура буляамаар үзэгдэл (красота природы): Ташалангуудтаа таруу модотой үндэр шэлэнүүд, һаял набшаһалжа байһан хэһэг шугы бургааһаар хүреэлэгдэһэн һүүдэртэнги хүхэ нуур байгаалиин үзэсхэлэн боложо тодорбо (Д.-Д. Дугаров); 3) эдэй засагай, эрдэм ухаанай, техникын, соёлой, урлалай болон олониитын ажабайдалай бусад һалбаринуудта туйлаһан амжалтануудые олондо харуулжа hонирхуулхаар тусхайлhан табилга (выставка): Жэшээнь, мүнөө жэлдэ фестивалиин хэмжээндэ монгол туургата арадтамнай хабаатай кинофильмнүүд харуулагдаа, тиихэдэ үзэсхэлэн дэлгэгдэһэн байна (Ж. Мархадаева).