ҮСХЭБЭРИЛГЭ

юум. н. үдхэбэрилгэ, ехэ, олон болголго, үрэжүүлгэ, үдхэлгэ (разведение): Адуу мори үсхэбэрилгэ хэзээдэшье бар хүсэтэй эрэшүүлэй хэдэг хүдэлмэри байгаа (Д. Баторова); хони үсхэбэрилгэ хонин ажал (овцеводство): Үгынгөө түгэсхэлдэ элидхэлшэ болбол хони үсхэбэрилгэ дээрэ ажалай эмхидхэл һайжаруулха, бүтээсыень дээшэлүүлхэ тухай асуудалнуудта, үбэлжэлгые амжалтатайгаар үнгэргэхэ зорилгонуудта тогтобо (Буряад-Монголой Y нэнһөө); загаhа үсхэбэрилгэ загаһа үдхэлгэ (рыбоводство): Наймаанда гаргаха хилмэ загаһа үсхэбэрилгэ – Буряад орондо шэнэ хэрэг, үшөө тиихэдэ энэ хадаа можо нютаг дотор загаһа үсхэбэрилхэ хэрэг хүгжөөлгэдэ ехэ удха шанартай алхам болоно (buryad. tv); зүгы үсхэбэрилгэ зүгы үдхэлгэ (пчеловодство): 1954 ондо зүгы үсхэбэрилгэһөө түсэбэй ёһоор 15 мянган түхэриг абтахын орондо арайхан гэжэ 974 түхэриг оруулагдаа (Буряад-Монголой Y нэнһөө).