ҮРГЭНӨӨР

наречи 1) хүндэлэн тээшээ ехэ зайтагаар (широко): Үбһэнэй үргэнөөр, хабтагараар тээгдэһэн хада хабтагай юу баригдахаб даа (М. Осодоев); үргэнөөр сэлихэ гүйсэд, тулатарнь нээхэ, дэлихэ (широко раскрывать, напр. дверь): Поездынгоо тогтон сасуу солдадууд вагонойнгоо үүдые үргэнөөр сэлин, газарта дэбхэрэлдэн һүрэнэд (Ц.-Ж. Жимбиев); 2) шэлж. олоной дунда ябуулан, олониие оролсуулан, олониие хабаадуулан (широко, массово): Тэндэ августын 30-31-дэ тамирай янзануудай үндэһэ яһатанай дүримөөр уласхоорондын турнир ехэ үргэнөөр эмхидхэгдээ (А. Дамдинова); хүдэлмэреэ үргэнөөр ябуулха олон хүниие хабаадуулан ажалаа дэлгэрүүлхэ (широко развёртывать работу): Залуу зандан Золто анханай һанал нэгэтэй үетэнөөрөө той роод байһан оршоноо ариг сэбэр болгохо һайн дуранай ажал үргэнөөр ябуулжа, олониитэдэ мэ дээжэ болоһон юм (С. Ринчинов); үргэнөөр тэмдэглэгдэхэ олон арга хэмжээнүүдтэй, олон хүнэй хабаадалгатайгаар тэмдэглэгдэхэ (широко отмечаться, праздноваться): Эдэ үдэрнүүдтэ Хоца Намсараевай нэрэмжэтэ Буряадай гүрэнэй Ажалай Улаан тугай орденто академическэ драмын театр 85 жэлэйнгээ ойн баяр үргэнөөр тэмдэглэнэ (burdram. ru).