ҮРГЭДХЭХЭ

үйлэ ү., идх. залог 1) хүндэлэн тээшэнь уужам, зайтай болгохо (расширять): Хара уһанһаа уһалжа, үтэгжүүлхэ газараа һайжаруулаа, үргэдхөө, зун бүри гэр бүлөөрөө хүдэлжэ, олон һүри үбһэ һайханаар абадаг (Ц. Номтоев); дүхэригөө үргэдхэхэ тойроод зогсожо байһан хүнүүдэй дундахи зайгаа ехэ болгохо (расширять круг): Барилдаа хүтэлһэн Аргай баабайн паршаганаһан хоолой дуулдажа, хүнүүд гэдэргээ боложо, дүхэригөө үргэдхэнэ (Б. Шойдоков); 2) шэлж. дэлгэрүүлхэ, томо хүреэтэй болгохо, олон хүниие оролсуулха (расширять, увеличивать): Юуб гэхэдэ, үбһэндэ оролгые эртээнһээ шиидхэхэ, али бүхы ажал дээрэ хүдэлдэг залуушуулай эдэбхи үргэдхэхэ тухай хөөрэлдэхэбди (Ц.-Д. Хамаев); харилсаа холбоогоо үргэдхэхэ бүри олон хүнтэй гү, али эмхи зургаантай холбоо тогтоохо (расширять связи): Агын тойрог амяараа бэеэ дааһан субъект байхадаа, зэргэлээд ажаһууһан олон нютагуудтай холбоо харилсаагаа үргэдхэһэн, бэхижүүлһэн байна гэжэ мэдэнэбди (Э. Чимитдоржиев).