ҮНИНЭЙ

1. тэмд. н. хуушанай, хэзээнэй (давний, давнишний): Энэ хабар албанһаа ерэхэдэнь, үнэхөөрөө тэдэнэй хоорондо үнинэй барисаан байгаа (А. Ангархаев); үнинэй танил олон жэлэй урда танилсаһан хүнүүд, урдын танил (давние знакомые): Тэрэ зарим моридто адли ганса эзэнһээ бэшэ хүниие тоодоггүй бэшэ, бэедээ хэниишье һаань дүтэлүүлдэг, үнинэй танил, урдын нүхэд мэтээр хэндэшье һаань хандадаг (Д. Эрдынеев); үнинэй ангуушан дүршэлтэй бэрхэ, хуушанай ангуушан (старый охотник); 2. наречи удаан, хэзээ заяанда (давно): Гэртээ дүтэлжэ ябахадаа Хорло үнинэй тулгуур туладаг болоhон Нимбуутай уулзашаба (Г.-Д. Дамбаев); үнинэй хүлеэһэн (гү, али хүлеэгдэhэн) урдаһаа нааша хүлеэһэн, нилээн ехэ саг хугасаа дотор хүлеэһэн (долгожданный): – Үнинэй хүлеэһэн, хашарааһан юумэмни хүсэлдэхэнь гэжэ баярлахаһаа ондоо харюу намда байхагүй (Б. Мунгонов); Үнгэрhэн 2020 оной hүүл багта, Шэнэ жэлэй урдахана, Түнхэнэй аймагта ажаhуугшад үнинэй хүлеэгдэhэн дүрбэн ехэ бэлэгтэ хүртөө гээд хүндэтэ уншагшадтаа hануулая (Т. Самбялова).