ҮНГЫН

тэмд. н. 1) элдэб үнгэтэй, үнгэтэ (цветной): Жэжэхэн бургааһа һөөгүүдээр хирхагтаһан горхоной хоёр тээгүүр ургаса һайнтай багахан сабшалангууд үнгын сэсэгээр эреэлжэлэн угалзатан харагдаха (Б. Мунгонов); олон үнгын олон үнгэтэй (разноцветный, цветистый): Тэдэ хада уулын хоорондуур, аяар доро, бүлэг бүлэг гэрнүүдтэй, олон үнгын зурууд ба дойбод таряалантай, ногоон шугынуудтай, годи-бэди болоһон горхонуудтай хүндынүүд (Б. Санжин, Б. Дандарон); долоон үнгын h олонго долоон үнгэтэй h олонго (разноцветная радуга): Хододоо хүхюун долоон үнгын һолонго мэтээр ялалзадаг нюдэдшни юундэ мүнөөдэр гунигтайб? (Д. Сультимов); 2) гоё, h айхан, олон янзын (красивый): Хүхэ ногоогоор бүрхөөгдэжэ, үнгын гоё сэсэг набшаар шэмэгдэхэдээ, бүришье һайханаар үльгэр түүхэдэ түүрээгдэдэг үзэсхэлэнтэ орон дайдые һануулнаш (Ц. Шагжин); үнгын гоёхон шубууд олон янзын h айхан шубууд (красивые птицы): Үнгын гоёхон шубууд жэргэжэ эхилбэ (Х. Намсараев); 3) элдэб янзын, янза бүриин (разный, разнообразный): Барга-Няма даамба дээрэ гансааран үлэжэ, байра дээрээ эрьелдэжэ байгаад, оршон тойрониие шэртэнэ, элдэб үнгын абяа анир, уһанай урадхал, тала дайдые шагнана (Б. Мунгонов).