ҮНГЭТЭ

тэмд. н. 1) элдэб үнгэтэй, үнгын (цветной): Үнгэтэ фото-зурагуудые хэжэ һураа һэн (М. Осодоев); үнгэтэ телевизор хара сагаанаар бэшэ, олон үнгөөр харуулдаг телевизор (цветной телевизор): Үнгэтэ телевизорээр космонавт Севастьянов замбуулин эзэмдэлгэ тухай ээлжээтэ хөөрөөгөө үнгэргэжэ һууна (С. Цырендоржиев); үнгэтэ түмэрнүүд хара түмэргүй элдэб түмэрнүүд ба холисонууд, зэд, гуулин, хүнгэн сагаан г.м. (цветные металлы); үнгэтэ металлурги үнгэтэ түмэрнүүдэй хүдэр олзоборилго ба шанаржуулга, мүн үнгэтэ түмэрнүүдые ба тэдэнэй шудхамал холисын хайлуулгые багтаадаг металлургиин һалбари (цветная металлургия); 2) будд. бодосто (материальный): «Үнгэтэ юртэмсын жама ёһон энэл юм гү?» – гэжэ тэрэ бодон, хүзүүгээ эльбэсэгээбэ (С. Цырендоржиев).