ҮНЭТЭ(Й)

(Й) тэмд. н. 1) ехэ мүнгэ түлэгдэһэн, сэнтэй, шухала, ехэ хэрэгтэй, туһатай, сэдьхэлдэ дүтэ (ценный, дорогой): Партиин райкомой секретарь мүрысөөндэ түрүүлһэн хүнүүдтэ хүндэлэлэй грамотануудые, үнэтэ бэлэгүүдые барюулжа эхилнэ (Д. Эрдынеев); Ямаршьеб нэгэ үнэтэй юумэ үгэһэн шэнгеэр гурбалжан бэшэгые хүбүүниинь эсэгэдээ һарбайба (В. Гармаев); үнэтэй сэнтэй ехэ мүнгэнэй, шухала (дорогой, ценный): Теэд Дэбшэнэй эрилтээр үнэтэй сэнтэй шэнэ туршалгануудые хэхэ захиралта хэншье үгэхэгүй ха юм (А. Ангархаев); үнэтэ зүйл баялиг, ехэ удха шанартай зүйл (ценность, сокровище): Тэрэ таһагта түбһэн хүниие табихаяа болиһон шалтагааниинь юуб гэхэдэ, заримдаа элдэб зон сугларжа, зорёон даршан түлхисэлдөөд, үнэтэй сэнтэй зүйлнүүдые нэгэтэ бэшэ хулууһан байгаа бшуу (Д. Батожабай); үнэтэ саарhан тогтооһон түхэл болон заабол үгтэхэ дэлгэрэнгы мэдээсэлнүүдые сахижа баталһан зөөриин эрхые гэршэлһэн баримта бэшэг (ценная бумага): Биржэ гээшэ , , , болон бусад хэрэгсэлнүүд, аралжаха газар (bxr.wikipedia.org); үнэтэй дээрэ бодохо ехэ сэнтэй гэжэ тоолохо, шухалашалха (считать ценным, дорожить): Тэрэ портредые Должон юунһээшье үнэтэй дээрэ бодожо, абдар соогоо хадагалаад байдаг байһыень Гамаа оложо, альбом соо хэжэрхиһэн байгаа (Ц. Дон).