ҮМСЫН

тэмд. н. хубиин, аминай, өөрын, хамтын бэшэ, ниитын бэшэ, ганса хүнэй мэдэлдэ бай h ан (собственный, единоличный): Юрэдөө, тэрэнь үмсын мал һэн хойноо хамтын малтай яашье эжэлшэжэ үгэнэгүй, халтад гэхэдээ тэдээнтэй мүргэлдэнэ (Ц.-Ж. Жимбиев); үмсын ажал ганса хүнэй гү, али нэгэ бүлын эрхилhэн ажал (единоличное хозяйство): Иимэл юумэн мүнөөшье бү болоһой гэжэ һанахадаал, би һайса бодожо үзөөд лэ, үмсын ажалые амжалтынгаа түлхюур болгохо ёһотойбди гэнэб (Д. Эрдынеев); үмсын зөөри хубиин эд хогшол (частная собственность): Үмсын зөөри бэшэ һаань, заабол һөөргэнь тэхэрюулхэ һэн (Д. Эрдынеев); үмсын хэрэгээр өөрын хэрэгээр, һанаһан тээшээ (по личному делу): Үглөөнэй улаан наранаар уур сухалынь сэлмэжэ, бэриингээ нэрэһэн архиие шэмэн уужа, мангараа тараагаад, үмсын хэрэгээр хайшаашьеб даа ошоо һэн (М. Осодоев).