ҮМЭДХҮҮЛГЭ

юум. н. хубсалуулалга (одеяние); үмэдхэл үмэдхүүлгэ басаганай эхэ эсэгэтэнэй худатандаа хубсаhа бэлэглэлгэ. Тиихэдээ баhа зониие урижа, хурим хэдэг байгаа. Табагай мэдүүлэгдээд байхада, үмэдхэлөө үмэдхүүлжэ эхилдэг байгаа. Урид хэлсэhэнэйнгээ ёhоор, хэндэ ямар хубсаhа үмэдхүүлхэ байгаа hэм, тэрэнээ өөhэдынгөө талын хүбүүд, бэреэдтэ үгэхэдэнь, тэдэнь абаашажа, зорюулагдаhан хүнэйнь мүр дээгүүр нэмэрюулдэг hэн. Тиихэдэнь үмэдхэл үмдэhэн хүн үреэлээ хэлээд, зоной урдуур ябажа, үмэдхэлөө харуулха юм. Дэгэл, самса, уужа, гутал, малгай г.м. хубсаhан үмэдхэлдэ ородог hэн. Дэгэлынь торгон, шэршүү, сэмбэ бүдөөр оёгдоhон байха юм. Даалин болон юрын бүдөөр оёhон дэгэл үмэдхүүлдэггүй Л. Линховоин (одаривание родителей жениха подарками в торжественной обстановке); үхибүүнэй хүйhэ хүндэhэн эхэнэртэ үмэдхэл үмэдхүүлгэ үхибүүнэй хүйhэ хүндэhэн эхэнэртэ ямар нэгэн хубсаhа бэлэг үгэлгэ. Шадаагүй hаа, шүлэнэй гэжэ гаргаhан хониной арhа уусатайгаарнь бэлэг баридаг байhан (одаривание повивальной бабки каким-л. элементом одежды).