ҮМДЭХЭ

үйлэ ү. хубса h а хунар бэедээ углаха, хубсалха (надевать что-л. на себя): Арадаа ялагар мүнгэн толитой зоодогонуудые үмдэнхэй бүхэшүүл дүхэригэй дунда урда урдаһаа харалсан, хоёр үеэр һуунад (Б. Санжин, Б. Дандарон); малгай үмдэхэ малгай тархидаа углаха (надевать шапку, шляпу): Тиигээд хүрин үнгэтэй шобхо малгайгаа үмдэжэ, халаадайнгаа тобшые тобшолоод, һэмээхэн гаража ошобо (А. Ангархаев); гутал үмдэхэ гутал хүлдөө углаха (надевать обувь): Жэбжэгэнээд, бадайраад, нэгэл өөрым бэшэ шэнги, хүйтэ даалгахаһаа ондоо юумэгүй муу булгайр гутал үмдэжэ гараһанаа шаналаа һэм (Ц.-Д. Хамаев).