ҮЙМЭХЭ

үйлэ ү. 1) обоорхо, түлхисэлдэхэ, мэгдэхэ, хүл хѳѳрсэг болохо, хүлгэхэ (суетиться, толкаться): Хан Уулын наада хотогор соо сугларһан хэдэн мянган моридой барайхань, тоогүй олон зоной үймэхэнь харагдажа эхилбэ (Д. Батожабай); үймэхэ хүймэхэ мэгдэхэ, хүлгэхэ, һабандаха, хѳѳрсэгэнэхэ (суетиться): Табан хоногто үргэһэ нойргүй юумэеэ түхеэржэ, буу зэбсэгээ шалгажа, үймэжэ хүймэжэ байһанаа Уралай шэлэ дээгүүр отор дабажа баруулба (Ж. Тумунов); 2) буhалгаалха, буһалгаа үүсхэхэ, эсэргүүсэн бодохо, хёмороо татаха (поднимать мятеж); 3) баруун бур. салшаха (буйствовать).