ҮЙМӨӨ(Н)

(Н) юум. н. хүлгөөн, мэгдэлгэн, бахардал, сошордолго, һүрдэл, түлхисэлдөөн, хүл хөөрсэг бололго (паника, смятение, суматоха, толкотня, бестолковая суета): Теэд хүнэй төөришэхөөр үймөөн соо юун бэлээр тэрэ капитан олдобо гээшэб! (Д. Батожабай); үймөөн займаан (гү, али хүлгөөн) хүл хѳѳрсэг бололго, ухаа мэдээ алдалга, бахардаан (паника, переполох): Юрэ, студентнэртэ хүндэтэй, тэдэндэ найдалтай, тэдэндэ үгэеэ дуулгадаг инспектортэй университедтэ гү, али үнэн сэхэ управляющитай газарта үймөөн займаан үзэгдэдэггүй бэзэ даа (Ч. Цыдендамбаев); Далайн эрье шадар байражаһан хүн зоной дунда, ан гүрөөл болон шубуу шонхорой дунда үзэгдөөгүй ехэ үймөөн хүлгөөн эхилбэ (Б. Мунгонов); үймөө татаха (гү, али гаргаха) мэгдэхээхэ, хүл хѳѳрсэг болгохо, хүл табюулха (приводить в замешательство, вызывать переполох): Мүн тиихэдэ хубхай хооһоор гүйгөөд, харайгаад, бололтой бололгүй ушарһаа уй — хай табяад, туһалхынгаа орондо үймөө татаад, һаад хээд ябашадаг хүтэлбэрилэгшэд бии ааб даа (С. Цырендоржиев); Бусадай дунда хэрүүл, үймөө гаргахын тулада / Далдаар арга хэхые бү оролдо (Э.- Х. Галшиев); 2) хёмороон, буhалгаан, түймөөн, гуримаа алдаhан байдал (мятеж, беспорядки): Буряад зон гээшэ бүгэдөөрөө дарлагдажа, энэ ехэ үймөөндэ дайрагдажа, зөөри зөөшэгүй боложо байна гээшэбди (Г. Цыдынжапов).