ҮЙЛЭДЭХЭ

үйлэ ү. 1) хэхэ, бэелүүлхэ, гүйсэдхэхэ (делать, действовать, поступать, совершать): Бүхы наһан соогоо үйлэдэжэ ябаһан хэрэгһээ хойшо гарахадань, гунигтай байнгүй яалай (Д.- Д. Дугаров); буян үйлэдэхэ шаж. хүн зондо туһатай, һайн юумэ хэхэ, маани мэгзэм уншаха, мүргэл хэхэ (совершать благое дело, читать молитвы, устраивать молебны): Би эдэгэмсээрээ Хүреэ орожо, удаан саг соо буян үйлэдѳѳб, бурханда мүргѳѳб (Б. Санжин, Б. Дандарон); хилэнсэ үйлэдэхэ нүгэлтэй ябадалаар ябаха, нүгэл шэбэл хэхэ (совершать грех, грешить); 2) һэдэхэ, һанаашалха, хэхэеэ шиидэхэ (предпринимать, затевать): Тэрэнэй хэлэһэн юумые дууһыень дүүргэхээр, энэ һүриин һууриие онгиргохоһоо байха дорохи хүрэһэн газарыньшье малтажархихаар үйлэдэнэ (Ц.- Ж. Жимбиев).