ҮЙЛЭДБЭРИ

юум. н. 1) арадай ажахын нэгэн һалбари болохо, түүхэй эд, ашагта малтамалые болбосоруулха, эсэсэй зүйл, бүтээл хэжэ гаргалга (производство, промысел, изготовление): Байгша 2024 ондо Буряад Улас дотор һүнэй үйлэдбэри дэмжэлгэдэ 8,1 сая түхэриг шэглүүлэгдэнхэй (selorodnoe. ru); үйлэдбэриие һайжаруулга ашаг үгэсые дээшэлүүлхын тула бүтээл гаргаха ябасые нарижуулга (рационализация производства); шабараар хэдэг үйлэдбэри шабараар юумэ бүтээжэ гаргалга (гончарное производство); гар үйлэдбэри ямар нэгэн юумые фабрика, заводто бэшэ, гэртээ гараараа хэжэ гаргалга (кустарный промысел); ажа үйлэдбэри арадай ажахын нэгэн һалбари болохо, түүхэй эд болбосоруулха, газар дорохи баялигые ашагладаг эмхи зургаанууд (промышленность); үйлэдбэри хүтэлхэ юумэ бүтээжэ гаргаха ажаябуулгые ударидаха (руководить производством): Дайн байлдаанда, улаан тахалда нэрбэгдэһэн Росси алтанай уурхайнуудай, завод фабрикануудай эзэдгүй, үйлэдбэри хүтэлжэ шадаха зонгүйгөөр хүл дээрээ үндыхэгүй (А. Ангархаев); 2) арадай ажахын нэгэн һалбари болохо, түүхэй эд, ашагта малтамалые болбосоруулха, эсэсэй бүтээлнүүдые хэжэ гаргаха газар, ажахы (производственное предприятие): Тиихэдэ сэрэгэй удха шанартай олон тоото үйлэдбэринүүд сүүдхын хорин дүрбэн час тогтонгүй ажаллана (Ж. Тумунов).