ҮЙҺЭ(Н)

(Н) 1. юум. н. ху h ан модоной дурһан, сагаан хальһан, гадар (берёста): Хурьганиинь унтаруутай байһан түүдэгһээ сог суглуулжа гаргаад, үйһэн доро хаяба (Б. Санжин, Б. Дандарон); үйһэндэ гал аһааха хуһанай дурһа шатаажа гал носоохо, дэгжээхэ (разжигать огонь берёстой): Гэрэй эзэн мүнөөшье дэбисхэрэйнгээ забһарта хэжэ байһан үйһэндэ гал аһаагаад, зартагайда дэгжээжэ, түлишэ дээрэнь табина (Ц.- Ж. Жимбиев); 2. тэмд. н. ху h анай дурһаар хэгдэ h эн (берестяной): Шарлад гэһэн үйһэн хуйтай, зэд эшэтэй магардаан хутага бүһэндөө шагтагаланхай (Б. Санжин, Б. Дандарон); үйһэн түйсэ модон оёортой, хиидуугаар hуудаг модон хабхагтай хуһанай дурһаар дархалhан амhарта (берестяной туес): Тогоошо дэлгээтэй саарһан дээрэхи хилээмэеэ зүһэжэ, шанаһан мяха томо томохоноор хэршээд, багахан үйһэн түйсынгөө хабхагые донгорогойнгоо үзүүрээр нээжэ, дундаа табина (Д.- Д. Дугаров).