ҮХЭЛТЭ(Й)

(Й) тэмд. н. хосорол асардаг, хосоролой аюултай, ами таһалдаг (смертоносный, смертельный): Мүн ябаган сэрэгшэдэй эльгээһэн тобшо һомонуудшье харбаһан һомондол бэшэ, үхэлтэ дуугаа дуулан ерэхэдэнь, хуяг дуулгаараа халхалха аргагүй байба (Б. Санжин, Б. Дандарон); үхэлтэ ашаан ами таһалха аюултай ашаан, дайлалдаха зэбсэг (смертоносный груз): Үхэлтэ ашаагаа тэндээ, хооһон газарта хаяһай даа гэжэ Баторов бүхы сэдьхэлһээ хүсэхэ юм (Б. Шойдоков); үхэлтэ тулалдаан тон шэрүүн байлдаан (смертельная схватка): Гармын дүтэлжэ ошоходо, морин шоно хоёр уһанай захада ама шүдөөрөө оролсожо, түмэр шэрэм хоёрой хабиралдажа байһандал, үхэлтэ тулалдаанда оронхойнууд байба (С. Ангабаев); үхэлтэ хүн мүнхэ бэшэ наһатай хүн, наһаа барадаг, юрын хүн (смертный).